Camachon arxatiripjamak sarnaqki jupax UNITEL yatiyiriruw usuchjawiyi

Imagen

Luis Fernando Camachox lata jamach'inak puriñ chiqa apnaqirinakaruw tuqisiski (Jamuqa: Llika)

Luis Fernando Camacho, Santa Cruz Comité Cívicon irpiripan arxatiripjamak sarnaqki jupaw wasärmax UNITEL yatiyirir usuchjawiyi. Altu Pata markachirinakax janiw Camachon akankañap munapkiti, ukat ukhamanakax utjawiyaraki.

Mâ ch’uxña isimp janq’u isimp isthapit chachaw Juan Flores yatiyirirux ajanut ch’akuwiyi, jupax yatiyañ munaskäna, ch’akur jaqix Camachon arxatiripjamakiwa sasaw ABI ukankirinakax yatiyawiyapxi.

Tata Camachox jisk’achasis Santa Cruzan jan markachirinakar irnaqaykiti ukatw akanx markachirinakax phiñasit jikxatasipxi.

Markachirinakax qillqatanak apt’ataw juparux janiw akankañam munapktti sasin sawiyapxi.

“¡Jaqi jiwayir Camacho!, ¡Janchi uñaqas jisk’achir Camacho! ¿Khithis jumar chhijlltam? Mä qawqhanikiwa” sasaw walja jaqix arnaqasiwiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156