Camachox Santa Cruzaruw kutt'xi, jach'unakax jupar arxatawiyapxiwa sasaw irpirinakax sawiyapxi

Imagen

Santa Cruz Comité Cívico irpirix uka jach'a markaruw kutt'aski (Jamuqa: Llika)

Luis Fernando Camacho, Santa Cruz Comité Cívico irpirix mä jisk’a lata jamach’itw uka jach’a markar kutt’awayxi sasaw tata Carlos Romerox arsuwiyi. Juparux wasür purinki ukjatpachx jach’unakax arxatawiyapxi sasaw sawiyi.

“8 arumirjäkipanw jaqix jach’unak jilarawayki ukjax GAC (Grupo Aéreo de Caza) ukar q’ipitäñ jupanakax iyawsawiyapxi. Ukatx Santa Cruz jach’a markaruw kutt’awiyapxi. Nänakax arxatapxämaw sasaw khithinakati Santa Cruz jach’a markat purininpki jupanakarux sawiyapxtha” sasaw yatiyirinakar sawiyi.

Wasärmatpachw walja markachirinakax Altu Pata lata jamach’inak puriñ chiqar puriwiyapxi, jupanakax janiw Camachon mistuñap munawiyapkiti. Jisk’achasiri, Bolivia markachirinakpur uñisiyiri sasaw jupat arsuwiyapxi.

Tata José Luis Quirogaw wali arumirjatpach lata jamach’ puriñ chiqar makatawiyi, Altu Pata markachirinakaruw jupax jan jark’antapxamti sasin sawiyi, ukhamarus janiw markachirinakax iyawsawiyapkiti, ukw tata Camachor yatiyawiyarakitayna.

“8:00 arumirjäkipan jach’unakarux atipjawiyapxi. Jaqix Altu Pata lata jamach’inak puriñ chiqaruw mantawiyi, juk’amp nayrjaw tata Camachorux chhijir puriñjamawa sasin yatiyawiyata. Nänakax arxatapxañajänwa, jupanakar Santa Cruz jach’a markaruw tuyus puriyawiyata” sasaw qhanancht’awiyi.

Ukham sasaw jupa tata irpirix Luis Fernando Camachxatx qhanancht’awiyi. Juparux purinki ukjatpachw arxatawiyata, lata jamach’ir makatayañkamax janwi kuns jupar lurawiyapkiti sawiyiwa.

“Kuna jan wali arsutanaks qhanancht’añ muntha. Jupanakax Santa Cruz jach’a markaruw mä qawqha k’atat puripxani” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156