Chaparenx illapt'añ yänakampiw jach'unakar usuchjawiyapxi sasaw FELCN ukankirinakax yatiyawiyapxi

Imagen

Jach'unakax usuchjatanakaruw apasipki / Jamuqa: RRSS

Achuqa phaxsit 02 uru saraqkipanx, Fuerza Especial de Lucha Contra el Narcotráfico (FELCN) ukan irnaqirinakaruw Río Blancon sipitt’awiyapxi ukhamarakiw usuchjawiyapxi, Chapare Qucha Pampa ch’umi uraqina, jach’unakax “Colmena” sutin amtampiw uka chiqanakx uñsusipkäna, ukhamäkipanw jupanakarux ukham lurawiyapxi sasaw yatiyawiyapxi.

“Jach’unakax jisk’a awiyunaruw ‘FELCN ukankirïpxtwa, sayt’apxam’ sasin jalkatapxatayna. Niyak jach’unakar uñjasax AK-47, AR -15, FAL jach’a illapt’añ yänakamp revolveranakamp escopetanakampiw jan wali jaqinakax illapt’apxatayna. Pä jach’uw sinti usuchjata, Ruben Flores Tola sarjintump Isaac Limachi Yana kawumpi” sasaw jach’unakan irpirinakapax yatiyawiyapxi.

Uka chiqarux jisk’a lata jamach’ ch’axmir ist’asaw jach’unakax sarapxi: niyak jupanakar usuchjatatx 50 San Rafael markachiriw usuchjirinakat arxatasipxatayna, jach’unakaruw tutukxatapxatayna, FELCN ukankirinakax kamisarak ukham lurapxanisti sasaw sapxatayna, ukhamw yatiyawiyapxi.

Urqupiña sintikatun qullañ utaparuw usuchjatanakarux apapxi. Ukatx Villa Tunariruw San Francisco sutin qullañ utar apxapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156