Jilïr Irpirix lamar quta palla pallanakan 193 mara phuqhapxatap amtawiyi

Imagen

Lamar quta palla pallanaka (Jamuqa: BTV)

Evo Morales Jilïr Irpirix lamar qutan ch’axwir palla pallanakan 193 mara phuqhapxatapo amtawiyi, Tiquina municipion jikthaptawiyapxi, Chukiyawuna. Palla pallanakax markas arxatañ yatipxi sasaw sawiyi.

“Palla pallanakax markasamp sasipxiwa, markasan kunkipawa. Palla pallanakax markas yäqayirïpxiwa, jan yaqha markanakamp apnaqayirïpxiwa, uñt’ayirïpxarakiwa. Palla pallanakax Bolivia markar yaqhanakamp yäqayapxañapapiniwa” sasaw arsuwiyi.

1826 maran lapaka phaxsit 19 uru saraqkipanw uka palla pall tamx uñstayawiyapxi, Antonio José de Sucre jupaw lamar qutan ch’axwirinakx uñstayawiyi, Cobija lamar quta laqxanw uñstawiyi. Pirwamp Boliviamp mayacht’asipkän ukjaw 1836 marat 1839 marakam nayrïr ch’axwañ yampunakax uñstawiyi.

Palla pallanakax markas jiltayir[ipxiwa sasaw jilïr Irpirix arsuwiyi. Markasar arxatañatakix juk’amp chachanak warminakar ch’axwañ yatichasipkakma sasaw Jilïr Irpirix sawiyi.

“Bolivia markasan askip munañax wakiskiriwa, lamar qutan ch’axwir palla pallanakax juk’amp chachanakar warminakar markasar arxatañatak yatichapxañapawa ukhamarak yatichir palla pallanakas utjañapa” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156