Marka irpirinakax 140 tonelada manq'añamp yaqha yänakamp chhijin jikxatasipki jupanakar apayapxi

Imagen

Jamuqa: Los Tiempos

Markasan pachan jan walt’ayat uñstawiyapki jupanakarux manq’añanakamp carpanakamp irnaqañ yänakampiw apayata, 140 toneladawa, marka irpirinakaw ukx 50 waranq waranq bolivianomp alapxi, kunayman chiqaruw puriyata sasaw tata Javier Zabaletax arsuwiyi, jupax Markar Arxatir Kamanarakiwa.

“140 toneladawa, markasanx kunayman chiqaruw ukax apayata. Manq’añanaka, q’umachasiñ yänaka, irnaqañ yänaka ukhamarakiw yaqhiparux carpanax churata, ukanakanw mä juk’x qamarapxani” sasaw sawiyi.

Chukiyawumpin Chuqi chakampin P’utuxsimpin juk’ampis jan walt’awiyapxi, juk’ampis jallumpi. 5.200 utjäwinkirinakaw jan walt’ayata, 59 utaw allthaptawiyaraki. Marka irpirinakax jutir phaxsikamaw jalluni sirw ist’apxatayna, ukatw ukham wakt’ayasipki, Benimpin Qucha Pampanpin jan walt’apxaspa sasaw sapxi.

“Jutir urunakax juk’amp municipionakjamakiw jan chhijir puriñatak wakicht’ayasipxani, ukhamjamak amuyapxtha” sasaw sawiyi. Ukhamarakiw Evo Morales Jilïr Irpirix chhijin jikxatasipki jupanakar yanapt’añatakix juk’amp qullq churañ amtaski sasin sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156