Marka irpirinakax juyphimp jan walt'añatakiw amtanak wakt'ayawiyapxi

Imagen

Khunump Juyphimpix yapunak yaqhip chiqan jan walt'ayapxi (Jamuqa: Cipca)

Juphimp markasan jan walt’añatakix amtanakax utjapxituwa, ukarjamaw irnaqapxäxa sasaw tata Óscar Cabrerax arsuwiyi, jupax Markachirinakar Arxatir Sullka Kamanarakiwa.

“Juyphimp jan walt’añatakix wakicht’asitätanwa. ‘Juyphimp jan walt’añ amtaw” utjistu. Munaski ukjaw uka amtanakampix yanapt’atäni, qullqi utjañapatakiw amtata ukhamarakiw jan walt’äw utjirjamäki ukja yatiyañatakisa, yaqha amtanakas utjarakiwa” sasaw sawiyi.

Evo Morales Jilïr Irpirix yanapt’apxätawa sasaw iwxt’awiyapxitu, ukatw jank’ak yanapt’añatak Markachirinakar Arxatañ Utankirinakax wakicht’ayasisipktha sasaw arsuwiyi.

Municipio irpirinakamp departamento irpirinakampix ukas kipka amtanak wakt’ayapxañaparakiwa, qullqx uka pachparakiw yanapt’añatak apaqtapxañapa sawiyiwa.

“Utjäwinakanx jan chhijir puriñatak wakt’ayasipxañaparakiwa, uywa qullanakamp janchis ch’amachirinakampiw utjañapa ukhamarakiw quranaks (uywanakatak) imapxañapa” sasaw jupa tata irpirix arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156