Amilcar Barralarux qullq mun jan mun apsusmachatapatw utapan jist'antañ amtawiyapxi

Imagen

Amilcar Barral kamachiri (Jamuqa: Llikat apsuta)

Pusïr Mutuyir Taripañ Utankirinakax Amilcar Barralar qullq mun jan mun apsusmachatapatw utapar jist’antañ amtawiyapxi, jupax Unidad Demócrata (UD) taman kamachiriparakiwa. Uñt’atanakamp yanapayasitampit mun jan mun qullq apsutapampit qullq katuqasitampit jupar juchax jaqutäski sasaw Chukiyawu jucha yatxatirinakax yatiyawiyapxi.

Henry M.G.M. yanapiriparux Ch’unch’u Qhüru mutuñ utaruw jist’añtañ amtawiyapxaraki, juparux pachpa juchanak jaqusipki ukhamarus yanapatapata.

“Janiw irnaqirix utapat mistkaspati, yatxatañ jan walt’ayaspa, janiw anqa markanakar sarkaspati, 50.000 bolivianwa churañapa, jucha yatxatirinakäkwa sapa phaxsürux sarañapa, janiw San Pedro, Ch’uch’u Qhüru mutuñ utanakarux jak’achaskaspati” sasaw tata Samuel Limax yatiyawiyi, jupaw juchachasitx yatxataskaraki.

Henry M.G.M., Barralan yanapiriparux Ch’unch’u Qhüru mutuñ utaruw jist’antatäni, juparux qullqis apt’ataw jikxatawiyata, tata Barralan khithataw ukham lurawaytha sasaw sawiyi sasinw tata Limax yatiyawiyarakiwa.

Mara t’aqa phaxsit 4 uru saraqkipanw Dirección de Análisis Criminal e Inteligencia (DACI) ukankirinakax panpachanir katuntawiyapxi, San Pedro Mutuñ Uta apnaqiriw jan wali luratanakap yatiyawiyatayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156