Niya 30 "juk'uchasiriw" Wanuninx palla pallanakar jan walt'ayawiyapxi, pä jiwataw utji

Imagen

Tata Javier Zavaletax (ch'iqa) yatiyirinakampiw aruskipaski / Jamuqa: Cambio

Niya 30 qhuya lunthatanakaw (juk’uchasirinaka) Wanuni qhuyar mantañ munapxatayna, Uru Uruna, lunthatasiñatakix palla pallanakampiw wasärmax ch’axwawiyapxi sasaw tata Javier Zavaletax arsuwiyi, jupax Markar Arxatir Kamanarakiwa. Ch’axwkasax pä lunthataw jiwawiyapxi, yaqhampiw utji sasaw sasipki, ukhamarus janiraw sum yatiskiti.

“Niya kimsa tunkanïpxänwa, jupanakax Llallawat (P’utuxsi) puripxatayna, janiw Wanunitäpkiti. Janiw phisqhanik tamachasis qhuyanakx lunthatañ munxapxiti, waljaniw tamacht’asis jan walt’ayañatak amtapxi, ukhamawa” sasaw jichhürux yatiyirinakamp aruskipkasax sawiyi.

Kimsa k’añaskutw lunthatanakax puripxatayna, illapt’añ yänakanïpxänwa ukhamarakiw dinamita ukanaks apnaqapxi, ukanakampiw palla pallanakarux qhuyar mantañatak jan walt’ayawiyapxi sasaw jupa tata irpirix arsuwiyi.

“Palla pallanakasax munaski ukhamarjamaw kutjayawiyapxi, ch’axwkasaw pä lunthataw jiwawiyapxi. Yaqhampiw utji sasaw yatipxtha, jupax usuchjataw ukatat jiwawiyasmachatayna, ukhamarus janiraw sum yatiskiti. Uka juk’uchasirinakax pä k’añaskup apasxapxi” sawiyiwa.

Akampix pä kutw lunthatanakax palla pallanakar jan walt’ayawayxapxi, anata phaxsit 28 uru saraqkipanx illapt’añ yänakas apt’asitaw qhuyar mantañ yant’awiyapxi, palla pallanakax janiw mantayawiyapkiti, pusi palla pallaw usuchjat uñstawiyi sasaw tata Zavaletax arsuwiyi.

Uru Urun jan wali jaqinakat arxatir jach’unakax paypach jan walt’äwit yatxatañatak purxapxiwa, juchaninakax jikxatatäniwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156