Sartasirinakax amuyumpiw sarnaqapxañapa, Quintanaruw katuntañatak thaqhapxäxa sasaw tata Murillox arsuwiyi

Imagen

Arturo Murillo, Marka Apnaqañ Kamana (Jamuqa: Llika)

Arturo Murillow machaq Marka Apnaqir Kamanaxa. Jupar utt’ayawiyapxi ukatatx pä amuyup uñt’ayawiyi: nayra Jilïr Irpirir Yanapir Kamanaruw katuntañatak thaqhatäni, Juan Ramón Quintanaru, sartasirinakax amuyumpiw sarnaqapxañapa, khithinakati irpirinakar jan walt’ayapki jupanakaxa sasaw sawiyi.

Jach’unakampiw jank’ak tantachasïxa, wakiski ukhamarjamaw lurapxañap mayïxa (…) Juan Ramón Quintanaruw katuntañatak thaqhapxäxa ¿Kunats katuntapxäxa? Uywjamax jaqir jiwayaski ukata” sasaw tata Murillox yatiyirinakar sawiyi.

Quintanamp Raúl García Linerampiw, Álvaro García Linera nayra Sullka Irpirin jilapa, markasx Jeanine Añezan irptatap jan walt’ayañatakix markachirinakar sartasiyasipki, Jeanine Añezax Moralesamp García Lineramp senadoranakan irpiripamp diputadonakan irpiripamp irptañ jaytjawayxapxi ukatatw jilïr Irpirjam mantawiyi sasaw Murillox arsuwiyi.

Quintanax markasankaskakiwa, sartasitapatw juparux mutuñ utar jist’antatäni, jupax Moralesan masipawa sasaw sawiyi.

“Khithiti ch’amamp sartasiñ munkan ukax qharürut uksarux amuyump sarnaqpan” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156