Boliviax Chilimp jaljtki uka qurpapx taqpach uñjani

Imagen

Chilimp qurpasitäki ukanx 19 chiqanw palla pallanakax utjani / Jamuqa: La Voz de Tarija

Llamayu phaxsi tukuykamax, Boliviax taqpach Chilimp qurpasitw uñjxani (880 km). Ukjakamax 19 chiqanw palla pallanakax utjxani.

Palla pallanakan qhiparapxañapatakix niyaw uñjañ chiqanakax tukuyata, 120 chiqämw kamachinak t’unjas mantanipxi, uka thakhinakax khuchhunuqatäniwa sasaw tata Gonzalo Rodríguezax arsuwiyi, jupax kamachinak t’unjas alakipasirinak tukjir sullka kamanarakiwa.

Anchhax phisqha chiqanw uñjatäski, phaxsi tukuykamax suxtampiw utjani.

Kimsaqallq wakiski uka chiqanakanw utt’ayapxani, ukhamat juk’amp sumax jan wali jaqinakar katjatarakïni, kamachinak t’unjas alakipasirinakarux mun jan munaw Charañäm, Pisigäm, Tambo Quemadöm jutayatäni, jupanakax markasatakiw payllapxani.

Pirwa qurpa

Uka pachparakiw, Pirwa qurpanx suxta chiqanw palla pallanakax utjani, niyaw uka chiqanakax 63% irnaqata sawiyiwa.

Laqaya, Catacora, Puerto Acosta, Ulla Ulla uka chiqanakanw nayrïrinakax utt’ayatäni, ukañkamax “payax kawkharus utt’ayatäni ukax janiw satäkaspati, jan walinak jan utjañapatakiw imxasita” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156