Cambódromon nuwjir 11 jaqiruw taripañ amtawiyapxi

Imagen

Walürux akham Cambódromon lurawiyapxi (Jamuqa: Jucha yatxatirinakan uñt'ayata)

Santa Cruzanx, juchachasit yatxatirinakax Cambódromon Movimiento al Socialismo-Instrumento Político por la Soberanía de los Pueblos (MAS-IPSP) jikthaptäwipan nuwjawiyapki jupanakarux taripañaw amtata, juchaniw uñstapxi sasaw sawiyapxi, tata Mirael Salguerow ukham yatiyawiyaraki.

Wakiski ukhamarkjam uñakipatatx, juchachasit yatxatirinakax taripasiñap amtawiyapxtha, jan walt’äwinakat yatxatasiñapatakix jupanakarux mutuñ utan jist’antasiñap mayisipktha sasaw tata Salguerox arsuwiyi.

Camila A. R. L., Marioli G. R., Juan M. D. F., Alexi G. J., Pedro S. Q. R., Nils J. V. A., Julio C. R. P., Miguel Á. V., Rodrigo U. L., Ernesto V. V., Josué F. M. M. jupanakaruw jan wali lurañ ch’amachapxatapata, jan walinak lurañatak tamachasipxatapata, usuchapxatapata, marka yänak t’unthapipxatapat juchachañax mayitäskaraki.

Walja videonakaw utji, jupanakax ukanw jan walinak lurasipki, nuwasipki ukhama sasaw tata Álvaro Gutiérrezax arsuwiyi, jupax juchachasit yatxatirirakiwa. Walja yatiyäwinakaw jupanakan juchachasipxatapatx utji sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156