Santa Cruzanx 67 kutiw k'añaskut saririnakax chhijir puriwiyapxatayna, 6 jiwatamp 29 usuchjatampiw utji

Imagen

Santa Cruzanx walja k'añaskut saririnakaw chhijir puriwiyapxi / Jamuqa: Montero Noticias

Santa Cruz jach’a markanx, 67 kutiw k’añaskut saririnakax nayrïr urunakax chhijir puriwiyapxi, 6 jiwatamp 29 usuchjatampiw utji, ukhamw tata Carlos Fernándezax arsuwiyi, jupax thakhinak uñjir jach’unakan irpiripawa.

Pä moto apnaqiriw jupanakpur ch’amamp jikthaptas jiwawiyapxi, janiw p’iqirux kuns uskusiwiyapkataynati ukata, ukaw muspharayitu sasaw jupax sawiyi. Uka pä jiwir jaqimpix yaqha k’añaskunakaw ch’utintasipxatayna.

80% k’añaskuniw machantasipxatapat chhijir purt’asipxi sasaw yatiyawiyi. Ukatw markachirinakarux thakhinakan sarnaqañ kamachinak phuqhapxañap mayiwiyi. Jan machañax utjkaspän ukax janiw chhijix utjkaspänti sasaw sawiyi.

“Jach’a markampin yaqha chiqanakampinx 67 kutiw k’añaskump chhijir puriñax utjawiyi, 29 usuchjatamp 6 jiwatampiw utji” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156