Mä imill wawat phiskhasiwiyapkatayna uka pä chacharuw 21 mara mutuyañ amtawiyapxi

Imagen

Pä chachaw mä p'iqi pist'at imill wawat phiskhasipxatayna, ukatw jupanakar juchachawiyapxi / Jamuqa: K'umar Jakañ Kamanan uñt'ayata

Juchachir 2ïr Taripañ Utankirinakax Miguel M.H. jupampir Richart C.A jupampiruw mä 13 maran imill wawat phiskhasipxatapat 21 mara mutuyañ amtawiyapxi, uka wawax p’iqit pist’atawa, ukhamw Fabiola Soria jucha yatxatir kullakax yatiyawiyi.

“Jucha yatxatirinakjamax juchachasit uñt’ayawiyapxta, Miguel M.H. jupampin Richart C.A. jupampin juchachasitapx uñt’ayapxtwa, juchachirinakast 21 mara mutuñ utar jist’antañ amtawiyapxi, El Palmar mutuñ utaruw jist’antatäpxani, Gran Chaco uraqina”, sawiyiwa.

Phiskhasit imill wawan wila masipaw jan wal luratx jucha yatxatirinakar yatiyatayna, ukatw jan wali jaqinakar juchachayañkam yatxatayawiyapxta sasaw mama Soriax arsuwiyi.

Imill wawax yatichiriparuw kunjams jupat phiskhasipxatayna ukx yatiyatayna, ukhamatw yatisiwiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156