Tata Moralesax qhuthañanak Muruchatan luqtawiyi

Imagen

Muruchatan utjki uka uma jark'jata (UCP)

Evo Morales Jilïr Irpirix 17 qhuthañw Yayani markan qarpañatak luqtawiyi, Muruchata municipiona, Qucha Pampana. Markachirinakan mayipxatap phuqhasaw irnaqata, ukatw markasanx akham irnaqatanakax luqtata sasaw sawiyi.

“Markachirinakan mayitap phuqhasaw nänakax irnaqawiyapxtha. (Markasx) jiltaysnawa, qullqichäw mayjt’ayasktanxa” sasaw Jilïr Irpirix sawiyi.

Ayllunak Jiltayañ Qullqimpiw (FDI) uka qhuthañanakx lurayapxatayna, waranq waranq bolivianot jilampiw lurayapxatayna. Uka qhuthañanakan utjki uka umampix 64.41 yapuw qarpatäni, 86 utjäwinw ukamp yapuchapxani, Yayani markan 10 ayllupana.

Markasan ukham irnaqañ utjañapatakix, phäñanakas yaqha jaqinakat kutkatayasiwaytan, janiw anqa markanakampix apnaqayasxtanti, jiwasaw qullqis apnaqasxtan, ukatw kikipat qullq jalanuqañas utjaraki sasaw tata Moralesax arsuwiyi.

“Jiwasax janiw ayllun jakasirinakar arxatañatakik kayuk sartasiwayktanti, janiw jiwasan kankañas ch’amachañatakisa, qullqichäwis jan apnaqapxañapatakïnwa (…) Qullqichäw jan yaqhanakamp apnaqayxañäniti sasin sisktan ukjax uraqin utjkistu uka yänakasamp qullqichir utanakasamp servicio básiconakamp yatiykipasiñ yänakamp kutkatayasiñ amtawiyapxtha, jan juk’a jaqin qullqichasiñapataki, taqininkañapataki” sasaw arsuwiyi.

Qarpasax juk’amp achuyañäni sasaw Jilïr Irpirix arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156