San Juanan jan q'uxu q'uxunak apnaqañatakiw amtawiyapxi

Imagen

Aljañ q'uxu q'uxunaka (Jamuqa: ABC)

Pachamama Arxatir Kamanax San Juanan jan nina phichhañ utjañapataki, jan q’uxu q’uxunak apnaqañatakiw amtawiyi, 299 jakhun amtaw ukhamäñapatakix utji, ukaw phuqhayatäni, ukhamw tata Eduardo Palmax yatiyawiyi, jupax saman q’umañapatakiw irnaqaraki.

San Juan arumax samanax wali q’añuchataw uñstiri, mara t’aqa phaxsit 24 uru saraqkipanx uka pachparaki, ukatw ukham amtawiyapxtha sasaw tata Palmax sawiyi.

“Markachirinakax janiw phichhañ yatxapxiti, ukhamarus q’uxu q’uxunak apnaqapxi, ukampix wawanakarus chhijir puriyaspawa.  Uka pachpa jan ukax juk’amp pachx q’añuchañ yati” sasaw arst’awiyi.

Taqi municipionakanw jan chhijir puriñatakix uñjapxañapa, khithinakati kamachinak jan phuqhapki jupanakarux mutuyapxañapawa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156