Jichhürux janiw chhijlläwinx jaqkasax kamachinak t'unjirinakax utjawaykiti sasaw sawiyapxi

Imagen

Bolivia Chhijlläwi (Jamuqa: Llika)

Llätunk departamentpachatw juchachasit yatxatirinakax chhijlläwix khusakiw sarantawiyi, janiw jichhürux jaqkasax kamachinak t’unjirinakax utjawaykiti sasin yatiyanipxi sasaw tata Edwin Quispex yatiyawiyi, jupax juchachasit yatxatirinakan mayni irpiriparakiwa.

“473 juchachasit yatxatirinakatx, yatxatir qullirinakamp yanapt’irinakampiw 115 yatxatañ chiqankawiyapxi. Janiw jach’a jan walt’äwinakax utjawaykiti; Tayka Kamachirjam mayni pachpa, sumäñata, taqi Bolivia markachirinakax jaqur sartan ukx jan walt’ayawaykiti” sasaw tata Quispex arsuwiyi.

Jaqinakamp k’añaskunakampiw markasanx kunayman chiqan katuntawiyata sasaw yatiyawiyapxi, jach’unakaw ukxatx yatiyapxañapa, kimsaqallq pachaw Auto de Buen Gobierno jan yäqapxatapatx jupanakar jist’antata, ukax jaqkas kamachinak t’unjañawa sasaw sawiyi.

Jaqkas kamach t’unjirinakax markachirinakan jaqutap jan walt’ayapxi, markachirinakan jan jaqupxañapatak luratanakawa jan ukax jaquñ chiqanak jan walt’ayatanaka sasaw jupax qhanancht’awiyi. Ukham jan walinak luratanakatx juchachasit yatxatirinakaw yatxatapxañapa, ukhamarus jan ukham luratanakx Bolivia jach’unakaw uñjapxañapa, Auto de Buen Gobierno t’unjatax ukhamawa sawiyiwa.

Sapa departamentotw janiw jan walt’äwinakax utjawaykiti sasin yatiyanipxi, jichhax Chhijllayir Utankirinakan jakhthapipxañapaw suyatäski sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156