Janiw premilitanakarux jawsthapitäkiti sasaw Marka Arxatañ Kamana Utankirinakax sawiyapxi

Imagen

Marka Arxatañ Kamana Utankirinakan yatiyäwipa (Jamuqa: Marka Arxatañ Kamanan uñt'ayata)

Janiw nayrïr maranakax palla palla utanakankawiyapki jupanakarux jawsthapitäkiti, llikan yatiyatanakax k’ariwa sasaw Marka Arxatañ Kamana Utankirinakax yatiyawiyapxi. Markachirinakar k’ari yatiyäwinakamp apnaqañ munapxatapat llakt’at arsuwiyi.

“Marka Arxatañ Kamana Utankirinakax aka yatiyäwx k’arisisaw llikanx yatiyapxi ukhamarak yaqha yatiyañ chiqanakansa. Markachirinakax jan aka k’ari yatiyäwinakamp apnaqayasipxpanti” sasaw mä qillqat llikan uñt’ayawiyapxi.

Wasürux WhatsAppanw premilitaranakaruw jawsthapisipki sasin yatiyawiyapxi, ukatw jichhürux ukham qhanancht’asipkaraki.

“Khithinakati Marka Arxatañ Kamanan sutipamp Bolivia Marka palla pallanakan sutipamp arsuñ munapki jupanakarux taripayatäniwa” sasaw yatiyäwinx saraki.

Wasürutpachw Comunidad Ciudadanankirinakax markasanx kunayman chiqan jan walinak lurañ ch’amachawiyapxi, Chhijllayañ Departamento Utanakanw jan walinak lurawiyapxi, janiw Carlos Mesan atipayasiñapx munapkiti./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156