Markachirinakar jan wali jaqinakat arxatañatak tantachasiñax utjkan ukanx 250 waranq waranq bolivianomp irnaqañatakiw amtapxani

Imagen

Bolivia jach'unaka (Jamuqa: Yatiyir Kamanan uñt?ayata)

Markachirinakar jan wali jaqinakat arxatañatak tantachasiñax Trinidad jach’a markankaniwa, llamayu phaxsit 28 uru saraqkipana; ukanx 250 waranq waranq boliviano churasiñapatakiw amtatäni sasaw tata Wilfredo Chávezax jichhür arsuwiyi, jupax Markachirinakar Arxatir Sullka Kamanarakiwa.

“nayrïr jisk’a tantachäwinakanx 250  waranq waranq boliviano churasiñapatakiw amtawiyapxtha, jichhax ukaw markpach tantachäwinx jaysatäni, ukampiw markachirinakarux arxatatäni” sasaw sawiyi.

Uka qullqimpix jan wali jaqinakaruw kutjayatäni, usuchjañ jan utjañapatakix ukatx apaqasirakiniwa sawiyiwa.

Patak alcaldemp gobernadoramp jach’unakamp jucha yatxatirinakamp yaqhanakampiw uka tantachäwinx aruskipatäni sasaw tata Chávezax sawiyi.

Boliviax markachirinakar arxatañatakix juk’amp khuswa irnaqawiyi, anchhax juk’amp suma markachirinakar arxatirinak Awiya Yala markanak taypinx markasax kimsïr chiqanw jikxatasi sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156