Bolivia jach'unakax 93 marwa phuqhasipki

Imagen

Evo Morales Jilïr Irpirix jach'unakaruw Santa Cruzan arxayaski (Jamuqa: UCP

Evo Morales Jilïr Irpirix jichhürux Bolivia jach’unakan 193 mara phuqhäwipankawiyiwa.

Tata Carlos Romerox ukankawiyarakiwa ukhamarakiw senadoranakan Adriana Salvatierra irpiripasx yaqhanakasa.

Marka irpirinakamp departamento irpirinakamp municipio irpirinakampix jach’unakan irnaqapxañapatakix ch’amachapxaraktwa sasaw tata Moralesax sawiyi.

“2005 maranx, janir marka mayjt’ayañ, janir saräw mayjt’ayañ qalltawiyapktha ukjax, 928 waranq waranq bolivianokiw jach’unakarux churatäna, aka marax 3.209 waranq waranq bolivianöxiwa. 421% ukjaw jilxattawiyi” sasaw Santa Cruzanx jupa tata irpirix arsuwiyi.

Nayra irpirinakax 669 waranq waranq irnaqatat payllañatak churapxirïna, 2019 maranx 2.585 waranq waranq bolivianöxarakiwa, 511% ukjaw jilxattawiyaraki sasaw qhanancht’awiyi.

Marka irpirinakax jach’unakan irpirinakaparux yäqasipkakipinïwa sasins qhanancht’awiyarakiwa.

“Jach’unakar irptañ mayjt’ayasax Antonio José de Sucren utt’ayatap jan yäqañäspawa, ukhamarus irpirinakax Bolivian pä patak mara phuqhañapatakiw irnaqapxañapa. Yaqha markanakan yäqatäñatak irnaqsna” sawiyiwa.

Jach’unakar yatichkasax sum yatxatayañawa, sum yatichañawa, ukham yamas ch’amachasiñap muniristha sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156