La Guardian jawq'xawiyapkatayna uka kimsa maran imill wawarux jan jiwañapatakiw aliqat jakapachayawiyapxi

Imagen

Jawq'jat wawarux aliqat jakapachawiyapxi / Jamuqa: Sin Tinta

La Guardian jawq’jawiyapkatayna uka kimsa maran imill wawarux jan juk’ampt’añapatakix aliqat jakapachayawiyapxtha sasaw jichhürux tata Fernando Ortizax arsuwiyi, jupax Santa Cruzanw Wawa Qullañ Utan irnaqi.

“Wali jan walt’atawa. Jakaskañapatakikix aliqat jakapachayapxtha, makinanakampiw samsuski” sasaw yatiyirinakar sawiyi.

Jikhanimpit kayunakampit uka wawarux jawq’xawiyapxatayna, ukatw sinti jan walt’ata sasaw tata Ortizax qhanancht’awiyi.

P’iqitx 10 cm3 wilaw apsuwiyata, lixwin thayantataw uka wilax jikxatasitayna sasaw sawiyi.

Wawax akat qhiparux janiw sum arsuñ atkaspati, janiw sum sarnaqkaspati, ukhamarus janiraw ukhamäniw sasin sapkiristti, kutjtkan ukjaw amuyatäxani sasaw jupa tata qullirix arsuwiyi.

Wawan awki taykaparux La Guardian katuntasiwiyiwa, jupanakxat Wawanakampir Maxt’a Q’axunakampir Arxatir Utankirinakamp chik yatxatatäski, sasaw Raúl Rosales jucha yatxatirix arsuwiyi.

Awkimp taykampix 11 maran 12  maran wawanakaparuw jupanakaw jawq’apxi sasin juchachapxi, ukhamarus jupanakamp aruskipatatx ukax janiw chiqäkiti, awkimp taykampix jan juchanikiw tukuñ munapxi, sasaw jucha yatxatirinakax sawiyapxi./RAR

 


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156