Jilïr Irpirix Markachirinakar Arxatañ 9ïr Tantachäw qalltayawiyi

Imagen

Evo Morales Jilïr Irpirix tantachäw Trinidad Jach'a markan qalltayaski (Jamuqa: UCP)

Evo Morales Jilïr Irpirix Jilïr Irpirix Markachirinakar Arxatañ 9ïr Tantachäw Trinidad jach’a markan qalltayawiyi, Benina. Jichhakam luratäki ukamp jan kunxatasipxamti, markachirinakar juk’amp arxatañatak irnaqañäni sasaw arsuwiyi.

“Bolivianx janiw ancha jan wali jaqinakax utjkänti, jichhax juk’amp juk’akïxiwa sasaw anqa markanakanx 2018 maran sawiyapxi” sasaw tata Carlos Romerox arsuwiyi, jupax Marka Apnaqañ Kamanarakiwa.

Ukhamarus warminakar jiwayatax waljawa, maymarax 37.878 ukjaw utjawiyi sawiyiwa. Tarijan juk’ampis utjawiyi, ukatw tantachäwinx uka jan walt’äwxat juk’ampis aruskipasinisawiyiwa.

Utjäwin warminakar jan ñanqhachañax yatichasiñapa sasaw Jilïr Irpirix sawiyi.

“Taykasampir masisampir kullakampir yäqañax utjäwin yatichata. Uka jan walt’äw jan utjañapatakiw irnaqañasa” sasaw tata Moralesax arsuwiyi.

Jach’unak taypinx amuyux mayjt’añapawa, ukhamat jan wali lurañanakax jan utjkaspati sasaw Jilïr Irpirix arsuwiyi.

“Jach’unakax janiw palla pallanakjam uñjatäpxañapäkiti, ukhamaw markachirinakar arxatañatakix lurañ munasi, janiw ch’amamp apnaqapkaspati, yatxatapxañapawa” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156