Yatiyirinakarux jaqirjam yäqapxam sasaw irpirinakax sawiyapxi

Imagen

Wilfredo Chávez, Markachirinakar Arxatir Sullka Kamana (Jamuqa: BTV)

Tata Wilfredo Chávezax yatiyirinakar jaqjam uñjañw sartasipki uka markachirinakar mayiwiyi, jupanakax irnaqasipkiwa sawiyiwa, jupax Markachirinakar Arxatir Sullka Kamanarakiwa. Jichhürkamax paqallq yatiyiriruw sartasirinakax usuchjawayxapxi.

“Yatiyirinakarux jaqjam yäqapxam, yatiyirinakan irnaqatap jan walt’ayapxamti sasaw markachirinakar sañ muntha. Jan walinak lurapki ukanak jan jamuqsupxañapatakiw yatiyirinakarux usuchjata. Ukaw ch’amamp apnaqañaxa” sasaw BTV ukan sawiyi.

Yaqhip jaqix illapt’añ yänakamp kunw amuyunakaparjam mun jan mun mayninakar sarnaqayañ munapxi, janiw jakäwx yäqapkiti sasaw tata Chávezax llakt’at arsuwiyi. Mayninakar usuchjañatakix bazucanak lurasiwiyapxatayna sawiyiwa.

Santa Cruz jach’a markan aljirinakar illapt’awiyapki uka jaqinakar katjañatakix yatxatasiskiwa sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156