Jilïr Irpirix lata jamach' apnaqir palla pallanakan yatiqañ utapan 67ïr mara phuqhäwip amtawiyi

Imagen

Evo Morales Jilïr Irpirix lata jamach'inak apnaqir palla pallanakan yatiqañ utapan mara phuqhäwip amtaski (Jamuqa: UCP)

Evo Morales Jilïr Irpirix alaxpachan ch’axwir palla pallanakan yatiqañ utapan 67ïr mara phuchäwip amtawiyi. Uka yatiqañ utax Tgral. Germán Busch Becerra sutiniwa, Santa Cruzan jikxatasi. Markachirinakar yanapt’añatak juk’amp khus yatiqt’apxam sasaw palla pallanakar iwxt’awiyi.

Palla pallanakax markasar yaqha markanakamp yäqayapxañapa, machaq Tayka Kamachimpix uraqin jikxataski uka yänak arxatapxaraki sasaw tata Moralesax arsuwiyi.

Tgral. Germán Busch Becerra palla pallax markasat arxatasiñ yatïna, jichhax yaqha palla pallanakaw uka amuyump sarantapxaraki sasaw sawiyi.

“Lata Jamach’ Apnaqañ Yatiqañ Utarux yäqañawa, khust’at yatichapxi. Markasar yanapapxañapatak ukhamarak markachirinakar arxatapxañapatakix khust’at irnaqir lata jamach apnaqirinakaw yatiqayaña” sasaw arsuwiyi.

Uka pachparakiw, nänakax marka apnaqañ qalltawiyapktha ukjatpachx aka palla pall yatiqañ utatakix yänakaw alawiyata sasaw sawiyi.

“2006 maran, marka apnaqañ qalltawiyapktha ukjax mä chhixwiririkiw utjäna, “La Mita” satawa, jichhax 25 chhixwiririw utjxi. Pachan jan walt’atapamp chhijir puririnakar yanapt’añatakix Brasilat, Venezuelat chhixwiririnak mayt’asiyätan, Chilis khithanikiriwa. Jichhax janiw ukhamäxiti, juk’amp yänakaw utjistu” sawiyiwa.

Yänakas kutkatayasiwayxtan, qullqichir utanakas kutkatayasiwayxtan ukatw ukham yänakax alataraki sasaw Jilïr Irpirix arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156