Irpirinakar k'umirinakan ch'amamp sartasipxatapatx pä jiwataw Bolivianx utjxi

Imagen

Santa Cruz comité cíviconkir waynanaka (Jamuqa: Llika)

Pä markachiriw jiwawiyi, irpirinakar k’umirinakaw ch’amamp sartasis ukham purt’ayawiyapxi sasaw wasärmax tata Carlos Romerox arsuwiyi, jupax Marka Apnaqañ Kamanarakiwa.

“Markachirinakan akham jiwatapax cívico irpirinakampin tata Mesampin juchapawa, jiwatanak utjañap munapxi sasaw ukjat ukjat sawiyapxtha. Jichhürux jiwatanak uñstayxapxiwa, ukx anqa markanakaruw yatiyapxä” sasaw sawiyi.

Jiwatanak utjatapax Unión Juvenil Cruceñistampin, Regis Medina, Montero cívico irpirimpin, Carlos Mesa, Comunidad Ciudadana (CC) chhijllayasirimpin juchapawa sasaw tata Romerox arsuwiyi.

Uka pä markachirin jiwapxatapax “sinti jan waliwa”, “ch’axwañ yaqhip qutux ch’amachasipki”, ukhamaw sasaw sawaytha sasaw jupa tata irpirix arsuwiyi.

Jiwatanakax Marcelo Salvatierra Salvatierra, 55 marani, Marcelo Terrazas Seleme, 41 marani, sutinïpxanwa sawiyiwa.

Adrián Mercado Eguez, Luis Enrique Pedriel Paz, José Luis Ramos Maldonado, Jorge Vaca Mendoza, Franklin Menacho Núñez, Juan Pablo Rivera Mercado jupanakaw usuchjataraki.

Sartasiñax Tayka Kamachin arxatatawa, ukhamarus sartasirinakax ch’amamp sartasipki ukjax “sinti jan waliwa”, Santa Cruzanjam Qucha Pampanjam sasaw tata Romerox janir irpirinakar k’umirinakan jan walinak lurapxatapat arskasax sawiyi.

Unión Juvenil Cruceñistankir waynanakarux k’añaskunakat Santa Cruzat Monterokam markachirinakar usuchjañatak puriyapxatayna, irnaqañ munir markachirinakar usuchjañataki sasaw tata José Luis Quirogax arsuwiyi, jupax Marka Apnaqañ Sullka Kamanarakiwa.

Aka phaxsix 20 urükipan chhijlläwix utjawayki ukan atipayasit yatisax irpirinakar k’umirinakax ch’amampiw markas jan walt’ayañatak sartasiwiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156