Chukiyawu Alcaldíankirinakax janiw yaqha qhilla patx uñstayañ phuqhapkaniti

Imagen

Jorge Silva, Arriba Bolivian arskasa (Jamuqa: BTV)

Allpaq Uma Qhilla Pataruw uñjir sartha, jan wali luratanakaw utji, Alcaldíankirinakax janiw yaqha qhilla patx uñstayapkaniti, ukham amuyaniwaytha sasaw tata Jorge Silvas arsuwiyi, jupax Chukiyawu jach’a markan kamach luririparakiwa.

“15 urumpix Luis Revilla alcaldex t’una jaqtañ askichañatak mayiwayki uka urunakax phuqhasxaniwa. 10% t’unax willisiskakiwa, 14ïr p’iyax phuqhäxiwa. Ukhamax janiw ukürkamax phuqhaskaniti saraksnawa, janiw wiñay qhilla patax utjkaniti” sasaw jupa tata irpirix arsuwiyi.

Yaqha qhilla pata uñstayañatakix Pachamama jan q’añuchañatak iyawsataw utjañapa, uka churasiñapatakix yatxatañawa, pachas munasirakiwa sasaw qhanancht’awiyi.

“Askichañatak amtatakän ukhamarjamax janiw kunas sarantatäkiti. Achuqallankirinakarux iyaw sapxañapatak arxayatakïskaniwa” sasaw tata Silvax sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156