SENAMHI: Bolivia Suni uraqinx pachax sintpin ch'uch'uptaski

Imagen

SENAMHI (Jamuqa: Llikat apsuta)

Bolivia suni uraqinx pachax chhullunkhat sipans juk’amp ch’uch’uptawiyi, markachirinakax ukhamarjam amuyt’as jakasipxpan sasaw tata Victor Ibarrax arsuwiyi, jupax Servicio Nacional de Meteorología e Hidrología (SENAMHI) ukanrak irnaqi.

“Markasanx, suni uraqinx, chhullunkhat sipans jumk’amp ch’uch’uptawiyi. Altu Patanx, -5, -6 gradow utjawiyi, Uru Urunx -7, Uyuninx yamas -10 gradow utjawiyi. Uka chiqan jakasirinakax ukhamarjamaw sarnaqasipxañapa” sasaw iwxt’awiyi.

Santa Cruzampin Benimpinx thayaw nayrïr urunakax utjawiyi, ukhamarus jutir urunakax junt’uptaniwa sasin qhanancht’awiyi.

“Beni, Pando departamentonakanx jalluskakiniwa” sasaw qhanancht’awiyi.

Ukhamakpin thayani, juyphi pachaw qalltaski ukata, ukhampin utjiri sasaw tata Ibarrax qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156