Yatxatat wayna tawaqunakaw Chukiyawun tantachasipxani

Imagen

SODEPROn irpirinakapax Arriba Bolivia wakichäwinkirinakampiw aruskipasipki (Jamuqa: BTV)

Jichhürux Chukiyawun jakasir yatxatat wayna tawaqunakaw tantachasipxäxa, marka irpirinakasan amtanakap ch’amachañatakiw ukham tantachasiñ amtapxtha sasaw kullaka Shirley Castrox arsuwiyi, jupax Yatxatatanakan Tamap (SODEPRO) irpirirakiwa.

“(Aka phaxsit) 4 uru saraqkipanw San Andrés Jach’a Yatiqañ Utan (UMSA) Kamachinakat Yatxatañ Utapan jikthaptatäni. Ukanw Evo Morales Jilïr Irpirin marka apnaqañ amtanakapax ch’amachatäni” sasaw Castro kullakax arsuwiyi.

Uka pachparakiw, uka tantachäwinx 2025 Pä Patak Mara Phuqhañ Amta ch’amachañatakiw aruskipt’atäni sasin sasipki.

“Markasar ch’amachañatakix, yatxatat wayna tawaqunakan yatiñamp yanapt’apxañap nänakax ch’amachañ munapxtha” sasaw jilata Miguel Magnex arsuwiyi, jupax SODEPRO irpirirakikiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156