Willka kuti phaxsit 31 uru saraqkipanw ADEPCOCAn machaq irpirinakapax chhijllatäni sasaw chhijllayirinakax yatiyawiyapxi

Imagen

Arnold Alanes, ADEPCOCA chhijllayirinakan irpiripa (Jamuqa: Aruskipañ llikat apsuta)

Willka kuti phaxsit 31 uru saraqkipanw Chukiyawu Kuka Yapuchirinakan Tamap (ADEPCOCA) machaq irpirinakax Hernando Siles anatañ chiqan chhijllatäni, kuka yapuchirinakaruw jutapxañapatak jawillt’ata sasaw chhijllayirinakax yatiyawiyapxi.

Chhijlläw uñjirinakaw utjani sasaw tata Arnold Alanesax RTP ukan arsuwiyi, jupax chhijllayirinakan irpiriparakiwa.

“(ADEPCOCAn) jan walt’ayasiñax utjki uk askichañatakix jiskht’asaw machaq irpirinakax ajllisiñapa, uka irpirinakax janiw khithimpis apnaqayasipkaspati, janiw maynimpis maynimpisa. Ukx amuyapxäwa” sasaw jupa tata irpirix arsuwiyi.

Nayrïr urunakatpachw yaqhip ADEPCOCA kuka yapuchirinakax Yunka uraqir Chukiyawut purki uka thakhx jark’antasipki, Chukiyawun yaqha kuka alasiñ chiqax utjki uk jist’antasiñap mayisipki ukhamarakiw Franklin Gutiérrez irpiripar antutasiñapsa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156