Wawanakar usuchjañ jan utjañapatakix irnaqasipkakïwa sasaw Jilïr Irpirix sawiyi

Imagen

Usuchjat wawa (Jamuqa: Fundación para el Periodismo)

Wawanakar jan usuchjañ utjañapatakix irnaqasipkakïwa, wawanakar arxatatax utjki ukan utjaskapañatakis ukhamaraki sasaw jichhürux Evo Morales Jilïr Irpirix arsuwiyi. Jichhürux Usuchjat Jan Juchan Wawanakan Urupaw uraqpachan amtata, ukatw ukham arsuwiyaraki.

“Usuchjat Jan Juchan Wawanakan Urup uraqpachan amtkasax wawanakar jan kuna usuchjañ utjañapatakiw irnaqasipkakïxa, nayas mayni marka irpirisanakasa. Bolivian akat qhipar jakaskan ukax wawanakar kunjams arxatañän ukatjäxiwa” sasaw Jilïr Irpirix Twitteran arsuwiyi.

Mayacht’at Markanakan Tamapankirinakaw aka urx uraqpachan usuchjat wawanakat amtasiñatak utt’ayawiyapxi.

1982 maran lakan phaxsit 19 uru saraqkipanx, Palestina markan jan walinak utjatapatw Mayacht’at Markankirinakax tantachasiwiyapxäna, “Israelankirinakax walja Palestina wawanakampir Líbano wawanakampir jan juchanpach ñanqhachawiyapxi ukatw chuyma ust’at jikxatasipxtha” sasaw sapa mara t’aqa phaxsit 4 uru saraqkipan usuchjat wawanakat amtasiñ amtawiyapxäna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156