Bartolina Sisa tamankirinakax tantachasipxäwa sasaw yatiyawiyapxi

Imagen

Yapuchir warminakan p'iqichirinakapa

Mara t’aqa phaxsit 07 uru saraqkipanx Qucha Pampan markaspachankir p’iqichirinakax tantachasipxäxa sasaw mama Segundina Floresax yatiyawiyi, jupax “Bartolina Sisa” Bolivia Yapuchir Warminakan irpiriparakiwa.

“Jurpür tantachasiñatakiw jawillt’apxtha, Qucha Pampa ch’umi uraqin utjapkitu uka tantachasiñ utana. Uka chiqanx marka apnaqañampitak p’iqicht’añampitakiw aruskipapxäxa” sasaw mama Floresax arsuwiyi.

Warminakan machaq kamach luririnak taypinkapxañapatakiw aruskipatäni, khithinakas chhijlläwinkapxani ukxats ukhamaraki sawiyiwa.

“Chachanakamp warminakamp kikipat uñjasipxañapatak sartasitax kunjams Bolivian sarantaski ukw marka irpirinak taypin kikipat uñjasiñ utjatapax uñt’ayi. Ukham utjaskañapak munapxtha, ‘jan chachanakan apnaqat sarnaqañ’ utjañapatak sartasir warminakax utjiwa. Warminakaw warminakatak amtapxañapa” sasaw jupa mama irpirix sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156