Jilïr Irpirix Tarijaruw uka jach'a markan utjki uka jan walt'äwinak askichañatak aruskipir puri

Imagen

Evo Morales Jilïr Irpirimp, Rodrigo Paz, Tarija alcaldempi (Jamuqa: BTV)

Evo Morales Jilïr Irpirix, Rodrigo Paz, Tarija alcaldempiw jichhürux tantachasiwiyi. Jilïr Irpirix sapa municipioruw jan walt’äwinak askichañatak purt’aski, ukatw ukham jichhürux purt’awiyaraki.

Jilïr Irpirimp Tarija irpirimpix servicio básiconakampit q’añu uma q’umachañampit qhilla patampit thakhinakampit jaqi q’ipir k’añaskunakampit markachirinakar arxatañampit juk’amp qullirinak utjañapampit aruskipawiyapxi.

“Jach’a markanat jiltayañatakix suma wakt’ayat amtaw utjañapa, alcaldex turkask ukjax phisqha maratakikiw amtax utji. Ukhamax janiw jach’a markanak jiltayañatakix suma wakt’ayat amtax utjkiti” sasaw tata Moralesax arskasax sawiyi.

Marka irpirinakaw jank’ak jan ukax akat qhipar irnaqañatakix yanapt’apxañapa sawiyiwa.

T’unanak sum apnaqañatakix 30 waranq waranq dólaraw munasi sasaw tata Moralesax arsuwiyi.

Thakhinak lurkasax aljañ utanakaw utachaña ukhamarakiw chakanakas luraña sasaw arsuwiyi. Markachirinakar jan wali jaqinakat arxatañxatx arsuwiyarakikiwa; 70 camaraw munasi, Marka Apnaqañ Kamanaw sata qallta phaxsikam puriyani sawiyiwa.

Inak Qullañ Wakichäwinw (SUS) juk’amp qulirinakamp irnaqañax amtatawa, k’achhat k’achhat ukham luratäni sasaw qullañxat arskasax sawiyaraki.

“Tantachäwinak tukuyatatx, qullqiw churatäni. Yaqhipx marka irpirinakaw irnaqayapxäxa, yaqhanakx alcaldíaraki, panituquts irnaqayapxarakïwa” sasaw Jilïr Irpirix qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156