Altu Pata markachirinakax tata Camachtuqwa lata jamach'inak puriñawjan arsusiwiyapxi

Imagen

Markachirinakan arsusipxatapa (Jamuqa: La Razón)

Altu Pata markachirinakax, Luis Fernando Camacho, Santa Cruz Comité Cívico p’iqichirtuqwa lata jamach’inak puriñ chiqan arsusiwiyapxi, juparux yaqha markachirinakar jisk’achas sartasitapatw k’umipxi.

Tata Camachox mayninakan arsusipkipanw Altu pata lata jamach’ puriñawjar puriwiyi. Santa Cruzan jisk’achañax utjawiyi ukatw arsusisipkäna.

¿Khithis jupaxa? ¿Khithis jupar ajlli? Mä qawqhanikiwa. Kunjams taykanakasar ukham lurani” sasaw warminakax qhurut arsusiwiyapxi.

K’ari jaqüwinakampiw atipata sarakisa, jichhax ukxat chiqpach yatiyäwinak uñt’aypan sasaw sawiyapxi.

“Janiw khithis Tayka Kamach jan phuqhkaspati. Bolivia markachirirux yäqañawa. Janiw Camachox ukürkam luram sasin siskaspati ¿Khithis jupaxa?” sasaw mä markachirix arsuwiyi.

Camachox yamas Carlos Mesar jaytjawayxiwa, Comunidad Ciudadana chhijllayasiriru sasaw yaqhipax sawsiyapxaraki.

“Mesarux jupan askipatakikiw apnaqawiyi, sallqantawiyiwa, jichhax jan juk’amp uñstxpanti sasaw siswa. Jupax awkipan manütapatw Jilïr Irpirjam mantañ muni, jupax markar manurakikiwa ¿Kunats nayraqat jan phuqhkpacha?” Sasaw mä markachirix sawiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156