Tata Moralesax Altu Pata jach'a markaruw 34 mara phuqhkipan aruntt'awiyi

Imagen

Jichhürux Altu Patan urupawa / Jamuqa: El Alto es Noticia

Evo Morales Jilïr Irpirix Altu Pata jach’a markaruw 34 mara phuqhkipan jichhürux aruntt’awiyi. Uka markax sartasir markawa, wali irnaqt’iriwa sasaw jupax arsuwiyi.

“Taqit machaq jach’a markasaruw 34 mara phuqhkipan arunttha: Altu Pataru. Jallalla Altu Pata jach’a marka, sartasirinakan p’iqichiripa, munat Bolivia markasan wali irnaqt’iri” sasaw Twitteran arsuwiyi.

Uraq phäñanak arxatawayki ukjaw Altu Pata markax walpin yäqayasiñ qalltawiyi, Guerra del Gas sasin uñt’apki ukana, “phäñanakax janiw aljaskaspati, janiw Chilïms Pirwämsa” sasaw sartasiwiyi.

2018 maranx, 922.598 markachiriw Altu Patanx utji sasaw yatiyawiyapxi. Chachanakax 448.715 ukjawa, warminakax 473.883 ukjarakiwa. Ukhamax warminakaw uka jach’a markanx jiläpxi./RAR

 


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156