Qullqi samin jaqi wayurix uka jurpüruw sartxani

Imagen

Jamuqa: Mi Teleférico

Achuqa phaxsit 9 uru saraqkipanw, qullqi samin jaqi wayurx luqtxapxani. Marka irpirinakaw luqtañatak ukankapxarakini.

Qullqi samin jaqi wayurx 56,6 waranq waranq dolarampiw irnaqayapxatayna. Wila jaqi wayurimp, laramp jaqi wayurimp kulli jaqi wayurimp q’illu jaqi wayurimpw qullqi samin jaqi wayurix mayachthapi.

Qullqi samin jaqi wayurix 171 jaqi wayuñaniwa, 11,5 k’atanw 2,62 km sarani, 3.000 jaqw suxta tunka k’atanx q’ipini. Taqpach jakhthapitax 30,72 km jach’äniwa.

Altu Patankirinakan maysat maysa sarapxañapatakiw uka qullqi samin jaqi wayur lurapxaraki, ukhamarus Chukiyawunkirinakax ukäm sarapxarakiniwa.

Chukiyawump altu Patamp jaljtki ukäm aka jaqi wayurix sari, 21 sayiriniwa, wali jiwakiw ukjatx markasax uñjasiraki.

Qullqi Samin Jaqi Wayurix pusi jaqi wayur mayachthapini

WILA JAQI WAYURIMP LARAMP JAQI WAYURIMPI. Jach’a Qhathu sutin chiqanw uka pä jaqi wayurix jikthaptapxi, 16 de Juliona, ukatw qullqi samin jaqi wayurix Cejatuqur jaltawiyani.

KULLI JAQI WAYURI. Faro Murillo uka chiqankiwa, ukanw kulli jaqi wayurimp qullqi samin jaqi wayurimpix jikthaptapxani. Mayax patäm mäkhipani, mayarak aynachäma. Uka chiqanw taqit jach’a puriñ utax jikxatasini, 9.650,69 m2 ukch’awa.

Q’ULLU JAQI WAYURI. Qhana Pata sasaw q’illu jaqi wayur puriñ chiqx sutichawiyapxi, Ciudad Satélitenkiwa. Ukaruw qullqi samin jaqi wayurix purini, 65 metron chakaw ukar puriñatakix utji./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156