Jilïr Irpirix 56 waranq waranq bolivianow Benin 53 amtamp irnaqañatak churatäni sasaw sawiyi

Imagen

Evo Morales Jilïr Irpirix irnaqañ amtanak Benin katuqaski (Jamuqa: UCP)

Evo Morales Jilïr Irpirix 53 irnaqañ amtanak Benin 19 municipion sarantayañatak katuqawiyi, 56.031.482 bolivianow ukatakix utji, “Boliviax Mayjt’askiwa, Evox Phuqhiwa” wakichäwimpiw uka qullqx churapxani.

28 amtaw yatichañ utanakataki, llätunkaw anatañataki, kimsax k’umar jakañatakiwa, tunka kimsanirakiw tantachasiñ utanak lurañataki.

Markasan qullqichäwipax mayjt’ayawiyata ukatw akham irnaqañatakix qullqix utji, qullqichäwisax janiw aynacht’awaykiti, yaqha markanakanx qullqichäwix aynacht’awiyiwa, ukhamw Fondo Monetario Internacional ukankirinakax sawiyapxi sasaw Jilïr Irpirix arsuwiyi.

“Fondo Monetarionkirinakax jan walt’ayañak yati. Yaqha jaqinakar yänak aljkatañax utjki ukjax irnaqañ sayt’añaw utji, kayuk sartasiñaw utji. Yaqhip marka tamanakax markasar uñisirinakawa, rinkunakan amuyupawa” sasaw tata Moralesax llakt’at arsuwiyi.

Bolivianx janiw irpirinakax markachirinakar t’aqhisiyirïxapxiti, irnaqañatakiw qullqx jank’ak churapxi, yaqha qullqichirinakarus yäqatarakiwa, Tayka Kamachisarjamaw ukham lurata sasins arsuwiyarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156