Santa Cruzanx thakhi jark'antirinakax irnaqäwir sarañ munapki jupanakaruw jan walt'ayasipki

Imagen

Santa Cruzan thakhi jark'antirinaka (Jamuqa: Los Tiempos)

Yaqhip thakhi jark’antirinakax khithinakati irnaqir sartañ munapki jupanakaruw jichhürux jan walt’ayawiyapxi, jupanakax Unión Juvenil Cruceñista ukankirïpxiwa, Comité Cívico ukankirinakamp chikachasipki ukanaka, ukhamarakiw irpirinakasar k’umirinakax ukham lurawiyapxi sasaw tata Edwin Muñozax jichhür arsuwiyi, jupax Movimiento al Socialismon (MAS) kamachiriparakiwa.

“Anchhax wali suma k’añaskunakaw jach’a thakhinak jark’antasipki ukhamarakiw k’añask muytañanaksa, uka chiqananakanx pusi jan ukax phisqha waynakiw machat jark’antasipki, ukham uñjawiyapxtha, janiw mun jan munax jan irnaqayatäkaniti sasin siskasas ukham lurayasipkakiwa” sasaw yatiyirinakar sawiyi.

Juk’a jaqin irnaqañ munirinakar jan walt’ayapxatapax llakiskañawa, ch’amampikiw markachirinakarux utapar kutt’ayapxi sasaw tata Muñozax arsuwiyi.

21-F sutin tamankirinakax Tayka Kamach t’unjasaw sarnaqapxi, janiw markachirinakarux sarnaqayapkiti, janiw irnaqäwipar puriyapkiti, llakkayawa sasaw tata Muñozax arsuwiyi.

Irnaqirinakamp aljirinakamp k’añask apnaqirinakampix janiw irnaqañx jaytjapkäti sasaw sawiyapxi, sayt’añ munirinakax irpirinakar jan walt’ayañ munapxi sawiyapxiwa.

Wali arumirjatpachw aljañ chiqanakanx aljañ qalltawiyapxi, janiw thakhi jark’antirinakarux yäqawiyapkiti; La Ramada, Plan 3000, La Abasto aljañ utanakanx ukham lurawiyapxi. K’añaskuninakax kunayman chiqämw sarnaqawiyapxaraki, thakhi jark’antirinakarux muyt’awiyapxiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156