San Buenaventurat Rurrenabaquer purki uka chakwa luqtawiyapxi, Chukiyawump Benimpis uka chakampix mayachthapitäkaspa ukhamawa

Imagen

Beni jawiran lurat chaka (Jamuqa: UCP)

Evo Morales Jilïr Irpirimp Álvaro García Linera Sullka Irpirimpix San Buenaventurat (Chukiyawu) Rurrenabaquer (Beni) purki uka chakwa jichhürux luqtawiyapxi, uka chakax 374 metro jach’awa.

“Bolivia munat markas mayjt’ayaskañatakikix mayacht’asitak sarantasksna ukw munapxtha. Aka San Buenaventurat Rurrenabaquer purki uka chakwa luqtasktan, Chukiyawut Benir puriri” sasaw sawiyi.

Uka chaka tukuyasax jichhax ch’umi uraqin utjki uka thakhiw phuqhatäxiwa. Chukiyawu ch’umi uraqin jikxatasipki jupanakax ukäm sarnaqapxani; Tumupasa, Ixiamas, Chive ukankirinaka, Pandokamaw Porvenirar puritäni; Benitx, Reyes, Santa Rosa, Australia, El Choro, Riberalta, Guayaramerín ukankirinakaw aksar jutapxani.

“Markas irptir mantapkta ukjax 1.000 kilómetro jila llusq’a thakhikiw utjäna. 2019 chinuqa phaxsikamax 6.500 kilómetro llusq’a thakhiw utjxistu sasaw ABC ukankirinakax yatiyawiyapxi” sasaw Jilïr Irpirix arsuwiyi.

Markachirinakarux mayacht’asipxatapat jallt’awiyi, ukampiw qullqichäwisax mayjt’ayasiwiyi, ukham mayjt’ayasaw qullqix kikipat jalanuqata ukhamarak kunayman irnaqatas markachirinakar luqtata sawiyiwa.

Uka chakampix juk’amp uñatatt’asirinakaw Rurrenabaquer puripxani, yaqha chiqanakaruw Chukiyawu ch’umi uraqinx puripxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156