Jilïr Irpirix partido políticonakaruw aruskipañatak jawillt'awiyi

Imagen

Evo Morales Jilïr Irpirin arsutapa

Evo Morales Jilïr Irpirix Bolivia markachirinakaruw arxayawiyi, partido políticonakampir jach’unakampir anqa markanakankirinakampir uraqpachankir markanak irpirinakampir yupaychasirinakampiruw Bolivian suma jakasiñ utjañapatakiw aruskipañ mayiwiyi.

“Aruskipañatakiw kawkïr partidonakati qhipa chhijlläwinx kamachirinak jikxatawiyapki ukanakaruw jawillt’tha, kunxay munapxchi ukat aruskipañataki” sasaw Jilïr Irpirix arsuwiyi.

“Jank’ak” aruskipañaw munata, markasan jan walt’äwinakax utjki uka askichañaw wakisi.

Ukhamatw, “jach’unakax Tayka Kamach phuqhapxañapa, ukaw lurapxañapa, Bolivia markachirinakaruw arxatapxañapa” sasaw jach’unakan irpirinakapar aruskipañatak arxayawiyi.

Jilïr Irpirix anqa markanakankapki uka irpirinakampir yaqha uraqpachankir markanakampir yupaychasirinakampiruw jawillt’awiyi, juk’ampis “Francisco Jilïr Tatakuraruw aruskipayañapatak” jawillt’awiyaraki.

Uka pachparakiw, “khithinakati markachirinakan yäpar jan apnaqasipxañap munapki uka tamanakaruw” arxayawiyi, jaqi amuyump sarnaqas askichasiñataki.

Tukuyañatakix, arumkam aruskipañax qalltatäspa, jichha arumkam aruskipañ qalltatäspa sasaw arsuñ tukuyawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156