Revillan warmipamp qullq jan yäpar apnaqatat mama Yañiquex yatiyawiyi

Imagen

Luis Revilla, Chukiyawu alcaldex "Yo soy mi primer amor" wakichäw ch'amachaski (Jamuqa: Opinión)

Betty Yañíquez kamachirix kunjams Chukiyawu Alcaldíankirinakax “Yo soy mi primer amor” wakichäwir yanapañatak jan walinak lurapxatayna ukxat yatiyaskakiwa, uka wakichäwx Maricruz Riberaw apnaqaraki, jupax Luis Revillan warmiparakiwa.

Chukiyawu Alcaldían irnaqirinakaw Revillan warmipar yanapasipki, yaqha chiqanakaruw markasan puripxi, ukhamw yatxatawiyapxatayna.

“Jichhax ‘Yo soy mi primer amor’ wakichäwitak wali jach’a globonakamp yaqha yänakamp alañatakix Alcaldían irnaqiriw jiskht’ir saratayna, jupax yamas irptañ chimpumpiw limxatatayna” sasaw mama Yañiquex Arriba Bolivia wakichäwin arsuwiyi.

Uka irnaqirinakax amtapampiw jan irnaqapki ukjax uka wakichäwin yanapir sarasipki sasaw Revillax walja kut arsuwiyi, ukhamarus uka irnaqirinakarux irnaqäwit ch’usasipxañapatakiw iyaw sasitayna sasaw mama Yañiquex sawiyi.

“Uka irnaqirinakan Chukiyawu markachirinakan qullqip jan wal apnaqapxatapaw phiñaskaya. Yaqhip irnaqirix pä paylläwin kunaw uñsti, Alcaldíampit uka wakichäwimpita” sasaw mama Yañiquex llakt’at arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156