Morales Jilïr Irpirix FSTMB qhuya irnaqirinakampir pallirinakampiruw aruntt'awiyi

Imagen

Palliri (Jamuqa: Llikat apsuta)

Evo Morales Jilïr Irpirix qhuya irnaqirinakampir pallirinakampiruw jichhürux aruntt’awiyi, jupanakax  markasan t’aqhisiyirinaktuq sartasiñ p’iqicht’awiyapxi. Bolivia Qhuya Irnaqirinakan Tamapan (FSTMB) 75 marap amtkasaw Jilïr Irpirix ukham arsuwiyaraki.

Uka qhuya irnaqirinakan tamapx 1944 maran mara t’aqa phaxsit 11 uru saraqkipanw Wanunin uñstayawiyapxäna, Gualberrto Villarroelax markas apnaqkän ukja. Qhuya irnaqirinakax 1952 maranx sartasinak taypinkawiyarakiwa ukhamarakiw 2003 maransa.

“Jichhürjamaw 1944 maranx Bolivia Qhuya Irnaqirinakan Tamapax (FSTMB) uñstayatäna. Qhuyan irnaqir jilanakampir pallir kullakanakampiruw arutt’ata, jupanakax walja maraw manq’at jiwat t’aqhisiyat jiwasan sartasitas p’iqicht’awiyapxi” sasaw Jilïr Irpirix Twitteran arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156