"Tupak Katari" yapuchirinakan irpirinakapamp "Bartolina Sisa" yapuchir warminakan irpirinakapampix mä machaq tantachasiñ utanïpxaniwa

Imagen

Evo Morales Jilïr Irpirix machaq tantachasiñ uta utachañatakiw ch'allt'aski (Jamuqa: UCP)

“Tupak Katari” Chukiyawu yapuchirinakan irpirinakapamp “Bartolina Sisa” Chukiyawu yapuchir warminakan irpirinakapampix San Pedron mä machaq tantachasiñ uta lurayañatakiw laphinak rixt’awiyapxi, Evo Morales Jilïr Irpirix ukankawiyiwa.

Machaq utax pusi altusanïniwa, 50 irnaqañ utaw utjani, 150 jaqin mantañapatakiw mä tantachasiñ utax luratäni ukhamarakiw yänak imañ utanakamp yaqha tantachasiñ utanakamp yaticht’asiñ utanakampis utjarakini. 6 waranq waranq bolivianompiw utachayapxatayna.

“Juk’amp irpirinakanïxtanwa, juk’amp utanakaw munasxi, ukhamarus utan laphinakapax q’umachañ wakisiwa, markatakix qullqix payllatäñapawa, personería jurídicaw akham utachañatakix utjañapa” sasaw Jilïr Irpirix arsuwiyi.

365 urun tukuyañw utachayirinakarux mayiwiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156