Altu Patanx machaq qhathuchañ utaw utjani

Imagen

Machaq qhathuchañ utax akhamäniwa (Jamuqa: BTV)

Altu Patan mä machaq qhathuchañ uta utachañatakiw amtawiyapxi, Álvaro García Linera Sullka Irpirix ukankawiyiwa. Utachañatakix amuyt’añ tukuyawayxapxiwa, 70 waranq waranq bolivianow munasirakini.

21.786 m2 uraqxaruw utachasini. Pä altus utanïniwa, manq’añ chiqaw utjani, utankirinakar irptañ utanakas utjarakiniwa, 5000 m2 ukjaw k’añaskunakan sayapxañapampitak yaqhanakampitakix utji.

“Wali sum qullqicht’ir jach’a markatak wali suma qhathuchañ utaw utjani, wali irnaqt’ir ch’ama ch’am tukur markataki. Altu Patan jakasirinakax ukhamäpxiwa. Utjañapapinïnwa” sasaw tata García Linerax sawiyi.

Altu Patan alcaldíanx janiw irnaqañ munapkiti, janirakiw Chukiyawu gobernacionansa, ukatw marka irpirinakamp markachirinakan p’iqichirinakapampix akham utachañatak amtawiyapxtha, ukatw Chukiyawu departamento kamachirinakax mä kamach mä uraq markan askipatak churañ iyaw sawiyapxi sasaw tata García Linerax arsuwiyi.

“Jichhüruw utachañatakix qullqi churañax amtata (70 waranq waranq boliviano), uka qullqx Marka Irnaqäwinak Uñjir Kamanaw UPREr (Unidad de Proyectos Especiales) churani” sasaw jupa tata irpirix arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156