Yaqha Bolivia qhuya irnaqirin amayap apsuñatakix irnaqasipkakiwa

Imagen

Marco Antonio Díaz, Antofagasta intendentemp qhispiyañatak irnaqirinakampi (Jamuqa: Antofagasta irpirinakan uñt'ayata)

Tata Salomón Veizaga Delgadillon amayap apsuñatakiw irnaqasipkaktwa sasaw tata Marco Antonio Díazax arsuwiyi, jupax Antofagasta intendenterakiwa. Tata Veizagax maranïnwa San José de Tocopilla qhuyanw laq’ax alliqtawiyi, ukatw jupax uka manqhan jiwawiyaraki.

“Gopempiw thaqht’añäni, qhispiyirinakamp yatxatatanakampix irnaqañäniwa” sasaw tata Díazax arsuwiyi.

Wasürux amtasiwayki ukhamarjamaw irnaqirinakax irnaqasipki sasaw tata Díazax sawiyi.

Irnaqatakïskiwa, qhispiyañatak irnaqirinakan jan jiwapñapatakix irnaqsipkarakiktwa, tata Viezagan amayapax jikxataski uka chiqanx chhijir puriñjamawa sasaw tata Baldo Prokuricax arsuwiyi, jupax Chilin Qhuya Irnaqañ Uñjir Kamanaparakiwa.

Chili irpirinakampix tata Salomón Veizagan amayap jank’ak apsuñatak aruskipawayxapxtwa, jupampin Diego Veizaga Soto yuqapan amayanakap apaniñatakiw aruskipawiyapxtha, yuqapax 20 maranïnwa sasaw tata Diego Paryx arsuwiyi, jupax Anqa Markanakamp Aruskipir Kamanasarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156