Bolivianx phäñanakaslayk sartasitakän ukaw amtatäski, Yäqayasiñ Uruwa

Imagen

Jichhürux Bolivianx Yäqayasiñ Uruw amtatäski, 2003 maran jiwawiyapkän jupanakat amtasiñatakiw aka urx utt’ayawiyapxaraki, Gonzalo Sánchez de Lozadaw jupanakar jiwarayawiyarakïna.

2003 maranx, Bolivia markachirinakax uraq manqhan utjkistu uka phäñalaykuw sartasiwiyapxarakïna. Janiw jupanakax Chilïm phänas Estados Unidor aljasiñap munapkänti.

Sánchez de Lozadax palla pallanakaruw markachirinakar jiwarayapxañapatak khithsüna. Ukatx walja markachirinakaxjiwat uñstawiyapxarakïna.

Jupanakat amtasiñatakix Markasan Yäqayasiñ Urup utjañap amtawiyapxaraki. Kunjams markachirinakax yänakas arxatañatak sartasiwiyapxäna uk amtañatakiw aka urx utt’ayawiyapxaraki. Ukatw irpirinakamp irptañ utanakampinx jupanakat amtasiñatak wakichäwinakax utjañapa.

Evo Morales Jilïr Irpirix 2003 maran jiwatanakatw wasürux arsuwiyi. Llikans jupanakxat arsuwiyarakiwa.

“2003 maran markaslayk jiwawiyapki jupanakat amtasiñäni, yänak aljkatirinakar atipañatak sartasirinakata. Mayacht’asisa, yäqayasisa, pachpa kankañasampix Bolivian jan khithin apnaqañ sarantañap ch’amacht’anxa” sasaw Bolivia irpirix Twitteran qillqt’awiyi./RAR  


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156