Llamayu phaxsikamaw Bolivianx warmir arxatañ utanakax utt'ayatäxani

Imagen

Jamuqa: El País Tarija

Sapa departamewntonw warmir arxatañ utanakax llamayu phaxsikam utt’ayatäni, warminakar arxatir kamachinak phuqhayañatakiw ukham luratäni sasaw mama Tania Sánchezax arsuwiyi, jupax Ana María Romero Warmir Arxatañ Uta irpirirakiwa.

“Achuqa phaxsit 12 uru saraqkipanw (warmir arxatir) utanx irnaqañ qalltawiyata. Irnaqañ utanakan utjkan uka yäqak phuqhachañatakiw irnaqawiyapxtha. Markaspachanx sapa departamenton llamayu phaxsikamaw irptañ utanakax utt’ayañ munata, ukampix kamachinak uñjirinakamp yatxatirinakamp jan walt’ayat warminakampiw yanapt’asipxani” sawiyiwa.

Warmir Arxatañ Utanakanx warminakaruw arxatatäni, taripäwinakan janit qhipartayatäki ukw uñjapxani, jan jank’achir taripirinakarus juchachañ mayipxarakiniwa. “Sinti jan walt’ayat warminakarux arxatirinakampiw yanapt’atäni” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156