Boliviatv ukanx Jach'a Chhijlläwit yatiyañatakiw irnaqirinakax walpin wakt'ayasisipki

Imagen

Miguel Torricos, Boliviatv Irpiri (Jamuqa: BTV)

Jach’a Chhijlläwit yatiyañatakix irnaqirinakampix walpin wakicht’asisipktha, qharüruw 7:00 arumatpach ukxat yatiyañatak irnaqatäni sasaw tata Miguel Torricox jichhür yatiyawiyi, jupax Bolivia TV irpirirakiwa. 18 anqa markanw Bolivia markachirinakax yamakis jaqupxani, uka markanakatx yatiyanipxarakiniwa sasaw sawiyi.

“Boliviatv ukanx qharüruw, 19 uru, 7:00 arumäkipan irnaqañ qalltatäni. Suxta amuyutw chhijlläwit yatiykasax arst’atäni, ukham amtapxtha. 18 markanw yatiyirix utji, markasanst taqi chiqanraki. Chhijllañ urux kunayman luräwinakatw yatiyatäni” sawiyiwa.

192 chiqanw Bolivia TV yatiyäwinak ch’iqiyañ yänakax utji, ukampix 85% chiqaruw markasanx purita, jach’a markanakan ukhamarak jisk’a markanakana. Kunanakas chhijlläw urux utjaski ukxatw yamakis 11 chiqat yatiyanipxani, Bolivia TV ukanakata.

“Janiw llätunk departamentokïkiti, Yacuibamp Riberaltamp kunawa, taqi chiqar pusiñataki, yatiyäskañatakiki” sasaw qhanancht’awiyi.

Yamakis aruskipañ llikanakan yatiyatäni, ukhamarak www.boliviatv.bo llika chiqansa sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156