Bolivia Elige wakichäwix 21 pachwa kunjams 2019 Jach'a Chhijlläwix sarantaski ukxat yatiyaski

Imagen

Bolivia Elige chimpu (Jamuqa: BTV)

Kunjams 2019  Jach’a Chhijlläwix sarantaski ukxatw Bolivia Elige wakichäwix Bolivia TV ukan yatiyaski, niya 21 pachaw anchhakamax yatiyatäxi. 13 yatiyir qutuw kunayman chiqar puriski, 40 quturakiw markaspachat yatiyanisipki.

Bolivia Elige wakichäwinx 18 markatpach yatiyirinakampiw aruskipt’awiyata, ukja markanw Bolivia markachirinakax jaquwiyapxi. Nayrïr jaqurix Tokion jaquwiyi, Japón markana. Jupampix aruskipawiyatarakiwa; San Buenaventuran jakasipki uka wila masinakajaruw aruntt’asiñ muntha, Bolivia markachirjamax wali k’uchikiw jaqutajat jikxatastha sawiyiwa.

Corea del Sur, China, India, Rusia, Austria markanakampin yaqha markanakampin kunjamas Bolivia markachirinakax jaquwiyapxi ukxatw Bolivia TV ukanx yatiyawiyata. Patria Nueva rayrunkirinakamp Ayllunakan Rayru Tamapamp (RPO’s) Bolivia Markan Yatiyañ Utapankirinakamp (ABI) Cambio ukankirinakamp chikaw yatiyawiyata./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156