Cobijanx kimsa chiqanw thakhinakx askicht'awiyapxi

Imagen

Cobijanx 2 km askicht'at thakhinakw luqtawiyapxi / Jamuqa: Bolivia TV

Jichhürux 2 km askichat thakhw marka irpirinakax Cobija jach’a markan luqtawiyapxi, Pandona. Castañal, Primavera, Las Arenas chiqanakanw thakhinakx askicht’apxatayna.

7,6 waranq waranq bolivianompiw irnaqayapxatayna, 16.000  m2 thakhiw jichhax lusanakamp phuqhantata ukhamarakiw q’awanakax sum askicht’ata. Jallu uman jalañapataki ukhamarak q’añu uman jalañapatakix irnaqayapxarakitaynawa, jichhax janiw umax jilarxaniti.

“Jilata alcaldex (Luis Gatty Ribeiro) ñanqha phaxsikamaw aka qullqimpix irnaqani. Pandon taqit jach’a markapatakix 10 waranq waranq bolivianompiw utji” sasaw sawiyi.

“Neoliberal amtaninakax armasipki jupanakar arxatañatakiw chhijlläwx atipawaytan, jupanakaru. Jupanakarux janiw kuns churapxirïkänti. Yaqhip chiqanakanx janiw lusanakamp phuqhantat thakhinakax utjkiti sasaw yatiyapxiti. Jilata alcalde, uka amtanakax jank’acht’añawa” sasaw arsuwiyi.

Aka maranakax irnaqatax phuqhatawa, nayrïr maranakax Jilïr Irpirix 105 utwa Cobijan luqtawiyi, qhiparux umamp thakhinakamp luqtawiyaraki sasaw tata Luis Adolfo Floresax arsuwiyi, jupax Pando irpirirakiwa.

“Jilïr Irpirix Pandon jiltañapatakiw irnaqi. Cobijax taqit juk’amp jiltir jach’a markanak taypinw jikxatasi. Jilïr Irpirix juk’amp jiwasatak irnaqi ¡Jallalla Evo Morales jilata!” sawiyiwa.

Uka pachparakiw Evo Morales Jilïr Irpirix arsuwiyi. Jupax Castañalan mä machaq yatiqañ uta lurañatakiw qullqix churatäni sasaw sawiyi. 35 waranq waranq bolivianw marka irpirinakax 7 km thakhinak Cobijan askichayañatak churawiyapxi sasaw tata Floresax ukxat arsuwiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156