Jichhürux Down usuninakan urupaw uraqpachan amtata

Imagen

Jamuqa: UCP

Jichhürux Down usuninakan urupaw uraqpachan amtata. Mayacht’at Markanakaw (kastill arunx ONU) ukham lurañatakix amtawiyapxi. Uka usun markachirinakar yäqañataki, luratanakap yäqañatakiw ukham amtawiyapxaraki.

Uka pachparakiw, jupanakar jan apnaqapxañapataki, qullañ utanakan yäpar katuqapxañapataki, jank’ak yanapt’añataki, yatiqañ utanakan yaqhanakjam katuqatäpxañapatakiw aka urux utt’ayata.

2019 maranx, “Janiw khithirus qhipartayatäkaspati” arumpiw aka urux uraqpachan amtatäskaraki. Jupanakarux mayninakarjamaw yäqaña, markachirinak taypinx mayninakjamaw uñjatäpxañapa.

Down usux nayratpach utji. Uraqpachanx taqi chiqan ukham usuntatanakax utji. Jupanakax mayja uñnaqanïpxiwa, mayjrak yatiqt’añ yatipxi.

Bolivia markasanx 4024 Kamachimpiw Down usuninakarux uraqpachankir irpirinakax amtawiyapki ukarjamax arxatata, 223 Kamachiw yaqhax utjaraki, ukanx jupanakarux arxatatarakikiwa, Jilïr Irpirix markasatakix uka kamachx amuyt’awiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156