Walja markachiriw 5527 Willka Kutx katuqawiyapxi, ONUx Willka Kutx ch'amacht'awiyarakiwa

Imagen

Jamuqa: BTV

Walja markachiriw qhantatitpach Qala Saya Sayan 5527 Willka Kutx suyt’awiyapxi, Tiwanakuna. Jupanakax Wiphalanak apt’ataw Willka Tatarux amparanak luqtas katuqt’awiyapxi.

“Uraqpacharuw arunttan. Aka 5527 marx jichhürux katuqt’awayxtanwa (…) Laqamp uñtasaw yupaycht’asiñäni, k’umar jakañataki, jakäwinïñataki, uywa utjañapataki, irnaqäwitaki (…)” sasaw tata Lucio Condorix arsuwiyi, jupaw Pachamamar luqtañx p’iqicht’awiyi.

Markasanx 223 chiqanw Tiwanakunjam Willka Kutx katuqt’awiyapxi. Uka chiqanakanx Pachamamar luqtawiyapxarakikiwa.

Aka marax juk’amp ch’amampiw mara T’aqx amtawiyataraki, ONUn aka urx uraqpachan amtañatak jaysawiyapxi ukata, sapa mara t’aqa phaxsit 21 uru saraqkipanx Willka kutiw Uraqpachan Amtaña sawiyapxiwa. Bolivia irpirinakaw ukhamäñapatakix mayiwiyapxarakitayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156